AZERI Natura Guztiontzat-ek natura mundu guztiari hurbiltzeko helburuarekin, ingurumen hezkuntzako eta turismo aktiboko ekintzak eskaintzen ditu.

Ingurumen Hezkuntza

Naturaz gozatu nahi duen pertsona orori zuzendutako ingurumen hezkuntzako ekintza dinamiko, aktibo eta berritzaileak eskaintzen ditugu. Diseinatzen ditugun ekintza guztiak talde bakoitzaren neurrira egokituak daude.



Egokitutako mendi-ibiltaritza

Tresna bereziak erabiliz eta gure gidarien laguntzarekin, mugikortasun zailtasunak dituzten pertsonei eta pertsona itsuei, naturak dituen berezko oztopoak gainditzen laguntzen diegu. Euskadiko historia, kultura eta natura mundu guztiari hurbiltzeko lan egiten dugu.

Egokitutako materiala

Egokitutako natur fitxak

Egokitutako natur fitxa hauek ikusmen gaitasuna murriztua duten pertsonentzako ere balio dute bertako informazioa bistaren zein ukimenaren bidez jasotzeko aukera ematen digutelako. Fitxa hauetako bakoitzak forma, kolore, erliebe, Braille hizkuntza… barneratzen ditu, horregatik, pertsona ezberdinentzako hezkuntza material aproposak dira.

Joëlette aulkiak

Joëlette aulkiak bi gidariz bultzaturiko gurpil bakardun aulkiak dira. Hauek, mugikortasun arazoak dituzten pertsonentzako ezinezkoak ziruditen tokietara heltzeko aukera ematen digute, nahi beste toki ezagutuz.

Norabide barrak

“Norabide barrak” hiru metro inguruko makilak dira eta pertsona itsuekin ibilbide lau zein malkartsuetatik ibiltzeko erabiltzen dira. Orokorrean, bi gidariren laguntza behar izaten da, bata aurrean eta bestea atzean jartzen direlarik.